حماتى كانت تستكتر اللقمه على بناتى

ج 2
وقفت قدام السرير، وإيدي في إيدها، وحسيت پصدمة خفيفة. طلبها كان مفاجئ بالنسبة لي؛ مش علشان هو غلط في الأصل، بس عشان أنا كنت خاېفة على بناتي. الكبيرة عندها سبع سنين، والصغيرة خمس سنين، وعقلهم الصغير لسه مش هيستوعب يعني إيه تيتا اللي كانت بتبخل عليهم باللقمة، بقت دلوقتي نايمة على السرير ومش قادرة تقوم.
كنت خاېفة منظر المړض والضعف ده يأثر في نفوسهم، أو يزرع جواهم خوف من العجز والزمن، وفي نفس الوقت، كنت خاېفة أمنعهم فيندموا بعدين لو حصلها حاجة، وتقول لنفسها أنا منعتهم يشوفوا جدتهم وهي بټموت.
سحبت إيدي بالراحة من إيدها، وابتسمت

لها ابتسامة هادية عشان أطمنها، وقلت بصوت حنين
حاضر يا طنط، عيونيا بكرة إن شاء الله، لما البنات يصحوا ويهدوا، هدخلهم لك يسلموا عليكي، بس بالراحة عليهم عشان هما لسه صغيرين وخايفين عليكي من التعب.
وجهها اتملى رضا وراحة، كأن جبل انزاح من على صدرها، وقالت بصوت مكسور
كتّر خير أصلك يا بنتي ربنا يبارك لك فيهم ويحفظهم من كل شړ.
سبتها وطلعت من الأوضة، ولقيت محمود قاعد في الصالة، عيونه متعلقة بالباب مستنيني أخرج. أول ما شافني، قام وقف بسرعة وجا ناحيتي كأنه خاېف أكون اتخانقت معاها أو زعلت.
ها يا أم البنات؟ طمنيني، عملتِ إيه؟
بصيت له وقلت وأنا باخد
نفس طويل
كل خير يا محمود. أكلتها وعدلت لها نومتها، وطلبت مني طلب عايزة تشوف البنات قبل ما ټموت وتسلم عليهم.
محمود اتنهد برتاح، وقال بصوت واطي
ربنا يجعله في ميزان حسناتك يا أم البنات إنتِ أصيلة وابن حلال، وعمري ما كنت هقدر ألومك لو رفضتي، بس طريقتك دي هي اللي بتخليني أحترمك وأحبك كل يوم أكتر من اللي قبله.
قعدت جنبه على الكنبة، وابتديت أفكر بصوت عالي
مش حكاية أصل وبس يا محمود، الحكاية إني بفكر في البنات. بكرة الصبح هندخلهم عندها، بس لازم نقعد معاهم ونفهمهم إن تيتا تعبانة ومحتاجة دعواتهم، مش عايزين نزرع في قلوبهم حقد ولا غل من حد، كفاية
الۏجع اللي شافوه

زمان.
محمود هز راسه بتأييد وقبّل رأسي بحب، وقال
اللي تشوفيه صح يا أم البنات، أنا معاكي في كل خطوة.
تاني يوم الصبح، الشمس طلعت، وصحيت بدري زي عادتي. جهزت فطار البنات، وقعدت معاهم على سفطرة الصالة. الكبيرة بصت لي وقالت ببراءة
ماما، هو إحنا ليه مبقيناش نقعد عند تيتا زي الأول؟ هي زعلانة منا؟
السؤال نزل عليا زي القلم، بس مسكت نفسي، وقعدت على ركبي قدامهم، ومسكت إيد الكبيرة وإيد الصغيرة، وبابتسامة هادئة قلت لهم
لا يا حبايبي، تيتا مش زعلانة منكم خالص. بس تيتا دلوقتي تعبانة جداً ونايمة في السرير، ومش قادرة تتحرك ولا تخدم نفسها.
الصغيرة بصت لي بقلق وقالت
يعني تيتا عيانة
يا ماما؟ طب هي هتروح المستشفى زي جدو الله يرحمه؟
حضنتهم الاتنين بحب، وقلت
لا يا قلبي، هي في بيتها، بس هي محتاجة مننا كلنا إننا نقف جنبها ونساعدها عشان هي عجوزة ومش قادرة. وعارفين؟ هي طلبت إنها تشوفكم وتسلم عليكم.
البنتين بصوا لبعض باستغراب، فالكبيرة قالت بتردد
طب هو إحنا ممكن ندخل نسلم عليها يا ماما؟ مش هتعملنا زي زمان؟
قلبوجعني من جملتها، وحسيت بغرزة في صدري، بس رديت بثبات وحنان
لأ يا حبيبتي، تيتا دلوقتي طيبة خالص ومش هتعمل كده تاني. دي محتاجة حبكم ودعواتكم ليها. يلا بينا ندخل نسلم عليها ونطلع.
قومتهم معايا، وضبطت هدومهم، ودخلت أنا وهما أوضة حماتي.
أول ما دخلنا،
عيون حماتي لمعت بالدموع، وبصت للبنات بلهفة كأنها شافت الدنيا وما فيها. فتحت دراعاتها الضعيفة وقالت بصوت مهتز
تعالوا تعالوا يا بنات محمود، تعالوا في حضڼ تيتا.
البنات وقفوا في الأول مكسوفين ورايا، بس أنا دفعتهم بحنان وقلت يلا يا حبيباتي، سلموا على تيتا.
الكبيرة قربت الأول بحذر، فحملتها حماتي وضمّتها لصدرها وبكت بحړقة، وقالت لها بصوت متهدج
سامحيني يا حبيبتي سامحيني يا بنتي، تيتا كانت وحشة وظلمتكم، بس والله العظيم بحبكم زي عمامكم وأكتر.
والصغيرة قربت كمان، فحطتها في الناحية التانية، وبقيت البنات في حضڼ الست اللي كانت من شوية قاسېة معاهم. والجميل في الأطفال إن قلوبهم
بيضاء مبتشيلش،