ضيعت سنين من عمرىمع واحدة عاجزه
— مش لازم تروحي.
قلتله:
— عارفة.
— طب إنتِ بتفكري في إيه؟
بصيتله.
— بفكر إن حسام لسه شايف إني ناقصة… ولسه عايز يثبتلي ده.
ياسين رد:
— إنتِ مش محتاجة تثبتي له أي حاجة.
كنت عارفة إنه عنده حق.
لكن كان فيه سبب تاني خلاني أقرر أروح.
سبب محدش كان يعرفه غيري.
قبل الدعوة بأسبوع، وأنا برتب أوراقي القديمة، لقيت ظرف من مركز الخصوبة اللي كنا بنتابع فيه أنا وحسام.
جواه نسخة من تقرير طبي قديم.
والتقرير ده كشفلي إن حسام كان مخبي عني معلومة مهمة طول سنين جوازنا.
وفي يوم التلات، قبل الحفلة بأربع أيام، بعت رسالة لشخص واحد.
ومعاها صورة التقرير.
وبعدها استنيت.
لحد يوم السبت.
لبست فستان كحلي شيك، وظبطت شعري، وروحت الحفلة.
كنت متفقة مع ياسين إنه ييجي ياخدني بعد شوية، ومعاه الأولاد، علشان نخرج نتعشى سوا.
أول ما دخلت القاعة، حسام لمحني.
ابتسم بسخرية وقال:
— ياااه! مريم! إنتِ جيتي فعلًا؟
رديت:
— مش إنت اللي عزمتني؟
ضحك، وبعدين رفع كوباية العصير.
وبدأ الإهانة اللي حكيتلكم عنها.
قال قدام الناس:
— أنا ضيعت سبع سنين مستني واحدة مش قادرة تخلفلي عيل!
وبعدها بص لمراته الحامل وقال:
— الحمد لله ربنا رزقني بالست الصح!
كنت ناوية أمشي بهدوء.
لكن فجأة سمعت صوتين بينادوا:
— مااااما!
عمر وليلى جريوا عليا.
حضنتهم، وحسام وقف مذهول.
— دول مين يا مريم؟!
قلت:
— ولادي.
— إنتِ خلفتي؟!
— ربنا رزقني بيهم، وهما رزق غالي على قلبي.
وفي اللحظة دي، ياسين دخل القاعة.
حسام أول ما شافه، وشه اتغير.
— ياسين؟! إنت بتعمل إيه هنا؟!
ياسين قرب مني وقال:
— جاي آخد مراتي وولادي.
حسام بصلي بصدمة.
— إنتِ اتجوزتي ياسين؟!
قلت:
— أيوه.
لكن قبل ما نتحرك، مراته الجديدة قربت مننا.
كانت ماسكة موبايلها في إيدها، ووشها شاحب.
بصتلي وقالت بصوت مهزوز:
— مريم… أنا محتاجة أسألك سؤال.
حسام اتدخل بسرعة.
— سؤال إيه يا نجلاء؟! سيبيهم يمشوا.
لكن نجلاء مكنتش بتبصله.
كانت بتبصلي أنا.
رفعت موبايلها وقالت:
— الرسالة اللي وصلتني يوم التلات… إنتِ اللي بعتيها؟
بصيتلها وقلت:
— أيوه.
حسام اتجمد.
— رسالة إيه؟!
نجلاء بصتله بعينين مليانين دموع.
— التقرير الطبي اللي قولتلي إنه مش موجود يا حسام… مريم بعتتهولي.
وفجأة، القاعة كلها سكتت.
وكانت دي بداية الحقيقة اللي حسام حاول يخبيها سنين.
